Овие кифлички со неодолив вкус се идеален додаток на трпезата.
СОСТОЈКИ:
500 мл млеко
1 свеж квасец
3 лажици шеќер
1 лажица сол
1 чаша масло
1 кг брашно
1 јајце
100 гр сусам
250 гр крем сирење
НАЧИН НА ПОДГОТОВКА:
Во топло млеко разматете квасец па додајте шеќер, сол и три лажици брашно. Измешајте и оставете квасецот да надојде. Во поглем сад замесете глатко тесто од брашно, масло и надојден квасец.
Од тестото направете топчиња со големина на орев и развлечете ги на многу тенки квадрати, со пречник од прилика 13 см. Секое парче премачкајте го со сирење и свиткајте го на тенки кифлички кои наликуваат на стапчиња.
Наредете ги во плех, премачкајте ги со разматени јајца, посипете со сусам и оставете ги на топло околу 15 минути. Печете во рерна на 200 степени околу 15 минути.