Во среда, на 5 август 2026 година, во селото Бразда, општина Чучер-Сандево, ќе се одржи хуманитарен концерт за поддршка на изградбата на црквата „Свети Спас – Видране“.
Концертот ќе започне во 20:00 часот на спортското игралиште во селото, а сите собрани средства од донациите ќе бидат наменети за изградба на храмот. На сцената ќе настапат голем број познати македонски естрадни уметници, меѓу кои Гоце Пејковски, Спасен Силјаноски, Наум Петрески, Андријана Кеш Ацеска, Татјана Стефановска, Милица Кузмановска, Панки, Сашо Кимиковски, Сандра Милковска, Фене Здравковски, Даниела Темелковска и Миле Кузмановски, а за музичката придружба ќе биде задолжен бендот на Димитар Стојковски.
Од Општина Чучер-Сандево посочуваат дека ја поддржуваат оваа иницијатива, која придонесува за зачувување на духовните и традиционалните вредности во општината, и ги повикуваат сите граѓани да присуствуваат, да донираат и да дадат свој придонес во изградбата на црквата.
„Со вашето присуство и донација станувате дел од изградбата на црквата „Свети Спас – Видране“. Заедно да го изградиме нашиот свет храм“, порачуваат организаторите.
