Сончевото време кое беше во Македонија претходните денови ги раздвижи луѓето.
Но, сончевите денови донесоа и драстично зголемување на бројот на заразени од корона. Но, во Скопје како да нема пандемија.
Терасите на кафулињата и рестораните преполни со гости. Во буквална смисла тепачка за маса на сонце. На масите кои се празни пишува дека е резервирано.
Она што може да се забележи на терен е дека угостителите ги почитуваат мерките за заштита, па така масите се со одредено растојание.
Градскиот парк и Зоолошката градина исто така деновиве беа полни со посетители.
Раздвиженост можеше да се забележи и на кејот на реката Вардар. Едни само пешачеа, други спортуваа, но речиси сите се придржуваат до мерките.
Поради зголемување на бројот на заразени, надлежните од понеделник најавуваат нови рестриктивни мерки.