Службата за одржување на хигиената во центарот на градот, продолжува со заложбите за почиста и поздрава животна средина и во наредниот период. Се расчистуваат дивите депонии и се собира кабастиот отпад во сите делови на општина Центар.
Покрај редовното одржување на хигиената на општината, минатиот месец, службата за одржување на хигиената целосно исчисти и 10 диви депонии, а собра вкупно 30 тони отпад.
Општина Центар и градоначалникот Саша Богдановиќ упатуваат апел до сите жители и граѓани кои транзитираат низ општината, ѓубрето и отпадоците да ги оставаат во назначените места за таа намена, затоа што чистата околина и здравата животна средина се придобивки за сите нас.
