Од Jавното претпријатие за благосостојба на животни скитници „Лајка“ информираат дека поради зголемениот интерес на волонтери кои се пријавија отворениот ден ќе трае подолго.
Претстојната сабота од 11 до 15:30 часот прифатилиштето за бездомни животни ќе биде отворено за сите волонтери кои сакаат да придонесат за подобрување на благосостојбата на кучињата и да уживаат со нив преку дружење, прошетки, играње, хранење, бањање и чешлање.
На отворениот ден ќе се разговара за целиот хуман третман низ кој минуваат животните, за процесот на вдомување, како и околу практичните совети при вдомување на куче.
Волонтерите претходно треба да се пријават преку меил во ЈП Лајка.