Во осум сообраќајки во Скопје, едно лице загина, а шест се здобиле со лесни повреди

Едно лице загина, а шест се здобиле со лесни телесни повреди во вкупно осум сообраќајки што се случиле изминативе 24 часа на подрачјето на Град Скопје. Во три од сообраќајките е причинета материјална штета.

Според СВР Скопје, од сообраќај биле исклучени 13 возачи кои управувале возило под дејство на алкохол и двајца возачи почетници.

Полицијата од сообраќај исклучила 14 технички неисправни возила. Евидентирани биле и 68 возачи за непрописно паркирање, а со специјалното возило „пајак” биле подигнати 57 возила.

Казнети се и 14 пешаци кои поминале коловоз надвор од пешачки премин, двајца возачи кои поминале на црвено светло, двајца возачи кои не дале првенство на минување на пешаците на обележан пешачки премин, двајца за неправилно престигнување, двајца за неносење сигурносен појас и седум за користење на мобилен телефон за време на управување моторно возило.