Вчера, на улица „Јане Сандански“, во Охрид, приведени се две лица кои се обиделе да сокријат од полицијата пакетчиња со кокаин.
Од МВР информираат дека, се работи за лицата П.С.(33) и И.П.(23), од Кичево. Коикаинот бил пронајден така што при контрола на патничкото возило „фолксваген пасат“, со кичевски регистарски ознаки, полициските службеници ги забележале лицата како исфрлаат две пакувања, кои откако биле пронајдени, констатирано е дека во нив има кокаин. Покрај ова, во возилото биле пронајдени уште три пакувања со кокаин.
Двете лица биле задржани во полициска станица и по целосно документирање на случајот против нив ќе биде поднесен соодветен поднесок.