Случајот со малиот Петар од мариовско, за жал, нè потсети на еден друг настан од пред 13 години, исчезнувањето на Ангела Ѓоргиоска од селото Дуње, мариовско. Петар е од селото Врбјани и веќе трет ден е во тек потрагата по ова дете.
Потрагата по Ангела траеше со месеци, а девојчето како да беше пропаднато во земја. Последни ја имаа видено нејзините роднини, братучетката и пријателите кај кои биле на гости, по што девојчето излегло од нивниот дом и оттогаш ѝ се губи секоја трага.
За жал, овој случај имаше трагичен исход, бидејќи во 2010 година беа пронајдени коски кои според ДНК-анализата одговараа на профилот на Ангела, иако нејзиното семејство никогаш не ги прифати тие резултати и не веруваше во истрагата.
Потрагата по Петар продолжува и понатаму. Момчето има 10 години и последен пат го виделе неговите браќа, кога полнеле вода.