Влазниците на ракометниот меч Македонија – Чешка по 100 и 200 денари

Македонската машка ракометна репрезентација во недела (18.06.2017), со почеток од 20:45 часот во СЦ „Борис Трајковски“ во Скопје, ќе го одигра последниот натпревар од Квалификациите за ЕП 2018 против селекцијата на Чешка.

 Влезниците се продаваат по ценa од 100 денари (горни трибини) и 200 денари (долни трибини – партер).

 Влезници за натпреварот може да се купат на сите продажни места на МК Тикетс низ државата, а можат да се резервираат и online на интернет-страницата на МК Тикетс.

 Инаки, нашата ракометна репрезентација последната фаза од Квалификациите за ЕП 2018 ја почнува во четврток со натпревар на гостински терен против Украина во Суми. Веднаш по завршувањето на таа средба, нашата репрезентација се враќа во Скопје за последниот меч против Чешка во недела од 20:45 во СЦ „Борис Трајковски“.

 Групата во која се наоѓаат Македонија, Чешка, Исланд и Украина е засега најизедначената група во Квалификациите, со тоа што сите четири репрезентации имаат по 4 освоени бодови по првите 4 одиграни кола. Последните две кола ќе ги одредат двајцата патници на континенталниот собир во Хрватска.