Чоколадниот ролат е колачот кој многумина од нас ги потсетува на детството и деновите поминати со бабите.
Неговата брза и лесна подготовка е причината што нашите баби често знаеа да ни го подготват штом кажевме дека ќе одиме да ги посетиме.
Со овој лесен рецепт ќе се потсетите на тој заборавен вкус од детството, но и ќе направите вкусен и убав десерт за сите околу вас.
За чоколадна смеса:
Суви состојки:
За декорација:
Испечете ги оревите и лешниците и ставете ги во крпа, така што ќе ги истриете за да паднат лушпите. Исечкајте ги на парчиња и ставете ги во поголем сад.
Сувото овошје и желето исечкајте ги на парченца и додадете ги во садот. Бисквитите искршете ги и исто така додадете ги во садот.
Во сад на пареа стопете 70 g путер, 100 g шеќер во прав и едно јајце и мешајте со жица за матење за состојките убаво да се соединат и да почнат да вријат (околу 5 минути).
Откако смесата убаво ќе се згусне, тргнете ја настрана од оган и додадете 150 g претходно растопено чоколадо.
Кога смесата што ја готвевте на пареа ќе се излади, додадете 80 g претходно изматен путер и убаво измешајте. Додадете 1 лажица рум и сите сечкани состојки.
Убаво измешајте и обликувајте го ролатот, со помош на најлонска фолија или посебен калап. На крај, ставете го во фрижидер најмалку 4-5 часа да се стврдне.
За декорација, натапкајте чоколадо во прав, шеќер во прав или ситно стругано чоколадо, по ваш избор.