Визер објави дека ја укинува и линијата која земјава ја поврзуваше со Полска

Визер објави дека ја укинува и линијата која земјава ја поврзуваше со Полска, пренесе охрид1.

Ова е втор удар во два дена врз туризмот, по објавата од вчера со која се запечати судбината на авионската линија од Охрид до Лондон со која илјадници туристи од Британија долетуваа во Охрид минатите три години.

Туристичките работници за сега одбиваат да зборуваат јавно за серијата удари кои ги доживеа туризмот, но напоменуваат дека ова значи враќање назад во периодот пред 2013 година кога Охрид беше сообраќајно слепо црево без никакви авио конекции со светот.

Од 2014 година Охрид воспостави авионски конекции со Тел Авив, Брисел, Лондон, Амстердам, Белград, Базел и Лутон, преку кои во градот допатуваа илјадници туристи од овие градови и држави.

Деновиве беше соопштено дека се прекинуваат авио врските со Лондон, а сега и со Полска.