Полициски службеници вчера спречија ширење на пожар на СЦ Борис Трајковски. Публиката беше евакуирана, додека девет полициски службеници завршија на токсикологија.
Како што информираа од МВР, вчера (30.08.2025) околу 16:00 часот во непосредна близина на спортскиот центар Борис Трајковски во Скопје настанал пожар, при што и покрај неповолните временски услови, од страна на полициски службеници ангажирани за физичко обезбедување на меѓународниот ракометен турнир заедно со екипа од противпожарна заштита, преземени биле мерки и активности со цел спречување на ширење на истиот и зафаќање на моторни возила и објекти како и лизгалиштето што е во склоп на спортскиот центар.
Исто така безбедно била направена евакуација на учесниците на турнирот и сите други спортски работници и публика.
Како последица на настанатиот пожар девет полициски службеници се на кислородна поддршка на Одделот за токсикологија поради вдишување на чад и се во стабилна состојба.
