Фудбалската Федерација на Македонија (ФФМ) во видео-објава на социјалните мрежи ги одбра најдобрите четири моменти во националниот дрес во оваа веќе измината 2025 година.
Прв на листата се најде волејот на Џани Алиоски во натпреварот против Белгија.
Втор на листата е маестралниот дриблинг на Елиф Елмас во натпреварот против Лихтенштајн, каде во тој „дар-мар“ предрибла неколку играчи и постигна навистина убав погодок.
Трет на листата е „топот“ на Енис Барди од слободен удар во натпреварот против Казахстан.
А за крај, четврти на листата се „маказите“ против Саудиска Арабија на Александар Трајковски.
