Македонската јавност не знае дека ние како држава имаме девојче кое на 15 годишна возраст игра кошарка во САД во Ситадел Феникс. Нејзиното име е Лора Пеливанов каде и покрај возраста се надигрува со 17 и 18 годишни девојки. Ваквата информација на социјалните мрежи ја објави Игор Филевски.
„Да, Лора е блескава во екипата каде игра со 17 и 18 годишни девојки. Можеби е најмала по возраст, но за неа веќе сите знаат таму. Дали ние знаеме? Епа еве, ви ја претставувам Лора, накратко. И многу сум горд Македонец што гледам ваков талент во срцето на светскиот баскет. Владко Пеливанов верувам дека си горд родител и најсреќен на светот. А чув дека Лора и на последниот натпревар "растурила" пак, со 14 поени, 9 скока и 1 асистенција. И давај информации. Лора е дијамантче кое и Македонија треба го запознае и да го негува“, напиша Филевски на неговиот Фејсбук.
