Место кое зрачи со посебна убавина, блескавост и непроценлива светост.
Манастирот „Св. Богородица Елеуса“ се наоѓа во селото Велјуса на околу 7 км. западно од Струмица и е подигнат на бигореста карпа. Основан е во 1080 година од сопствени средства на монахот Мануил, кој подоцна станал струмички епископ.
Оваа црква го зазема едно од најзначајните места во црковната и културната историја на Македонија.
На еден од ѕидовите на црквата има претстава од македонскиот крст или наречен Вељушки крст. Овој крст претставува варијација на христијанскиот крст, воглавно поврзан со Македонија и е симбол на Македонската православна црква.
Продолжен викенд е пред нас, а тоа е одлично за да се прошета на маеста на кои не сте биле досега, а се вредни да се посетат. Посетете го манастирот, почувствувајте го мирот и уживајте во прекрасната природа.