Важни вести од АМСМ за сите кои планираат денес да патуваат

Сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата, соопшти Автомото сојузот на Македонија (АМСМ).

Од 15 ноември стапи во сила законската обврска за задолжително поседување на зимска опрема во возилата, без оглед на временската состојба, а сезонски е затворен патот Трпејца – Царина низ националниот парк Галичица.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.