Македонскиот музичар Васил Ангелов вчера настапи на меѓународниот фестивал „Ехо на номадите“ („Echo of Nomads“) во Киргистан, каде што ја претставуваше Македонија.
На фестивалската сцена се сретнаа учесници од различни земји, а музиката, националниот карактер и специфичната атмосфера на секој од нив создадоа посебна фестивалска вечер.
На 3 септември, учесниците на „Ехо на номадите“ настапија со светски познати хитови, при што секој од нив избра песна добро позната на публиката ширум светот.
Васил беше меѓу изведувачите кои ја претставија својата земја преку музиката, во вечер исполнета со различни јазици, култури и музички изрази. Фестивалот ги собира уметниците од различни делови на светот токму преку музиката – без оглед на границите, јазикот и потеклото.
За македонскиот музичар, настапот во Киргистан е можност македонската музика и името на Македонија да стигнат до публика на илјадници километри од Скопје.
