Фудбалерите на Шкендија еуфорично ја прославија победа на гостувањето кај Вардар (3-2), за што најдобар пример е видеото кое се појави на социјалните мрежи направено во нивната соблекувална на арената „Филип Втори“ во Скопје во кое го навредуваат противникот.
Тетовци во навивачки стил со цел глас скандираа „Ајде Вардар, пуши ми го к….“ покажувајќи колку всушност им значи овој триумф, без разлика што тој не е доволен и официјално да се промовираат во нов шампион на Македонија.
Својот непрофесионализам тие го потврдија и со кршењето во соблекувалната, што убаво може да се види на видеото кое самите го објавија.
Голманот на Вардар, повремениот македонски репрезентативец Филип Гачевски, жестоко му се обрати на Висар Муслиу, довчерашниот соиграч од скопските црвено-црни, кој во зимскиот преоден рок мина во редовите на Шкендија.
