Вакцините против коронавирус што се развиваат во Кина достапни за јавноста во ноември

Вакцините против новиот коронавирус што се развиваат во Кина би можеле да бидат достапни за јавност во ноември, изјави претставничка на кинескиот Центар за контрола и спречување на болести (ЦДЦ).

Кина има четири вакцини против ковид-19 што се во завршна фаза на клиничко испитување, најмалку три од нив се понудени на најизложените служби.

– Третата фаза добро се одвива и вакцините би можеле да бидат готови за јавност во ноември и во декември, изјави експертката за биобезбедност во ЦДЦ, Гуижен Ву.

Таа додаде дека не почувствувала никакви абнормални симптоми во изминатите месеци откако примила експирементална вакцина во април, без да ја наведе вакцината.

Кинеската државна фармацевтска компанија „Синофарм“ и „Синовак биотеч“ развиваат три вакцини во рамките на државната програма, додека четвртата ја развива „КанСино биолоџикс“, чија употреба во кинеската армија беше одобрена во јуни.