Поради технички зафати во електро - мрежата утре од 9 до 12 часот без струја ќе бидат корисниците од дел од ул. „Румена Хаџипанзова“ во општина Кисела Вода, а од 09:45 до 11:30 часот од реонот кај Градинката во Белимбегово во општина Илинден.
Регионалниот центар за управување со кризи на град Скопје соопшти дека утре од 9 до 13 часот ќе нема струја и кај дел од корисниците кај крстосницата на бул. „Јадранска Магистрала“ и ул. „Момин Поток“ во општина Карпош.
Без струја утре од 9 до 15 часот ќе останат и дел од корисниците од улиците „Нов Живот“ и „Вашингтонска“ во општина Шуто Оризари, од 8:30 до 13:30 часот дел од корисниците од улиците „Финска“ и „Пролетна Офанзива“ во општина Гази Баба, а од 8:30 до 15:30 часот корисниците од селата Бучинци и Грушино и објектот на Мобимак Грушино во општините Илинден и Арачиново.
