УХРМ предупредува за ниски утрински температури, денски ќе има сонце

Времето денеска ќе биде сончево со мала до умерена локална облачност и со ниски утрински температури, кои на повеќе места ќе бидат под нулата. Ќе дува слаб до умерен северен ветер.

Следува период на стабилно време, со појава на умерена облачност. Минималните температури на повеќе места ќе бидат негативни, а од петок ќе има пораст на температурите, особено на утринските.
По одделни котлини ќе има услови за појава на утринска магла.

В четврток утринската температура ќе биде од минус три до пет степени, по што постепено ќе се зголемува и ќе се движи од два до 10 степени.

Максималната температура ќе биде во интервал од 13 до 21 степен.