Ја пречекавме пролетта, а со неа и убавото време.
Photo by Artur Łuczka on Unsplash
Ова е период на убави навики и промени, а ова е листа на неколку работи кои можеме да ги направиме за себе оваа пролет.
Ослободување од хаосот
Како што веќе знаеме, пролетта е често сезона на пролетно чистење. Затоа, засукајте ги ракавите и ослободете се од сето она што создава хаос и прав во вашиот дом. Сигурно постојат работи кои ги чувате, а кои не ви се потребни. Чистењето на просторот во кој живееме докажано влијае на нашата добросостојба и расположение. Пробајте.
Започнете своја градина
Не ви е потребен голем простор за ова, можете да го направите и на својата тераса. Веќе знаеме дека времето поминато во природа е одлично за нас, а со својата градина ќе се чувствуваме и попродуктивно. Тоа често е тивка, медитативна активност и можеме да се посветиме на оваа активност и кога сме сами.
Истегнете се
Нема да ве приморуваме да трчате маратон, но убаво е да го искористите доброто време за истегнување. Тоа помага да се опуштат мускулите и полека ни помага да се ослободиме од тензијата и напнатоста во нашето тело. Потребни ви се само неколку минути во текот на денот.
Уживајте во убавите мириси и звуци
Седнете во својот двор или вашата омилена клупа во паркот и уживајте во мирисот на расцветаните дрва, како и звуците на птиците. Ова е период во кој природата се буди, а со тоа можеме да ги разбудиме и своите сетила.
Развијте нови утрински и вечерни навики
Време е да промениме некои работи кај себе. Можеби можеме да го пиеме утринското кафе надвор или пак да читаме пред спиење. Сменете нешто кај себе, без оглед на тоа колку е мало и така забележете ја позитивната промена која ја предизвикувате во својот живот.
Одете на Водно
Природата се буди, а Водно е нашето омилено место каде можеме да избегаме од градот и вревата. Искористете го тоа што денот е подолг и поминете време пешачејки, одморајќи го умот и уживајќи во природата.