Вчера во 14.45 часот, полицијата од Тетово го уапсила 46-годишниот Л.Р. од с.Порој, тетовско. Тој бил пријавен од снаата 50-годишната Ќ.Р. од с.Порој, сопруга на неговиот брат, дека истиот ден околу 13.00 часот во дворот на нејзината семејна куќа од невнимание ја повредил на рамото со воздушна пушка, по што ја пренел во Клиничка болница Тетово.
„Тој бил задржан во полициска станица и од него биле одземени пневматска пушка „Гамо“ калибар 5,5 милиметри, дозвола за оружје на негово име и една железна кутија со дијаболи. По целосно документирање на случајот, против него ќе биде поднесена соодветна пријава“, информираат од МВР.
