Три лица се повредени во вчерашната сообраќајка помеѓу трактор и „фолксваген шаран“ на патот од с.Јосифово кон с.Пирава. Повредите на патниците биле констатирани во здравствена установа додека увид бил извршен од увидна екипа од ОВР Валандово
„Вчера во 04.45 часот во Полициската станица Валандово било пријавено дека на патот од с.Јосифово кон с.Пирава, се случила сообраќајна несреќа помеѓу трактор ,,имт 533“ без регистарски ознаки, управуван од Р.М.(44) од село Јосифово, валандовско и патничко возило „фолксваген шаран“ со кавадаречки регистарски ознаки, управувано од Р.П.(69) од Кавадарци.
Во несреќата со тешки телесни повреди се здобиле сопатничката од возилото „фолксваген шаран“ И.П.(69) од Кавадарци и сопатничка од тракторот Ѓ.М.(37) од село Јосифово, додека со телесни повреди се здобила уште една малолетна сопатничка од тракторот, констатирани во здравствена установа. Извршен бил увид од увидна екипа од ОВР Валандово“, се вели во билтенот на МВР.
