Околу 18 часот добивме дојава од граѓани, кои почувствувале остар мирис на влезот, по што беше испратена екипа. Поради остриот мирис започната е евакуација на луѓето, со помош на гас-маски, изјави командантот на Противпожарната единица на град Скопје, Ѕвонко Томевски.
Според него, самата миризба го иритира грлото и пречи на дишењето, па било неопходно да се евакуираат станарите на безбедно.
,Чекаме да дојде инспектор од животна средина и од Институтот за јавно здравје, за да се утварди дали е безбедно враќање во зградата. Не се забележани остатоци од течност или што било. Не е забележано ништо оставено во влезот.Нема повредени, а екипа на Брза помош беше повикана ради превентива”, додава Томевски.
