Во текот на вчерашниот ден направен е координативен состанок со полициска станица Центар каде е договорена динамиката на работа на тимовите кои се формирани за на терен да делуваат преотив загадувањето во Скопје.
- Формирани се заеднички дежурни екипи во три смени кои се состојат од комунален инспектор, инспектор за животна средина, комунален редар како и полициски службеник. Со вака формирани тимови ефикасноста на терен значително ќе се подобри. Граѓаните можат да пријавуваат на ФБ страницата на Инспекторат на град Скопје за сите нерегуларности во однос на загадување на животната средина, информираат од Град Скопје.
