На 30.06.2021 во 18.30 часот било пријавено дека во Скопје, на крстосницата од ул.„Ќемал Сејфула“, ул.„Струмичка“ и ул.„Крсте Асенов“, се случила сообраќајна незгода помеѓу патничко возило „сеат“, со скопски регистарски ознаки, управувано од О.А.(25) од Скопје и мотоцикл „априлиа“, со скопски регистарски ознаки, управувано од С.З.(22) од Скопје.
Во незгодата мотоциклистот се здобил со тешки телесни повреди, констатирани во Комплексот клиники „Мајка Тереза“. Извршен бил увид на местото на незгодата од увидна екипа од СВР Скопје.
