Тешка сообраќајка во Скопје - повреден Косовец со тешки повреди пренесен во болница

Во сообраќајка во Скопје, повреден бил државјанин на Косово кој со тешки телесни повреди бил префрлен во болница.

Според пријавеното, вчера во 08.35 часот било пријавено дека на крстосницата од ул.„Јадранска магистрала“ и сервисната улица „Качанички пат“, се случила сообраќајна незгода помеѓу патничко возило „ауди“, со скопски регистарски ознаки, управувано од Ф.И.(22) од Скопје, и патничко возило „форд“, со косовски национални ознаки, управувано од Б.Ч.(54) од Р.Косово.

Во незгодата, Б.Ч. се здобил со тешки телесни повреди констатирани во Градската општа болница „Св.Наум Охридски“. Извршен бил увид на местото на незгодата од увидна екипа од СВР Скопје.