Градоначалникот на Општина Ѓорче Петров, Александар Стојкоски извести дека излегол да направи увид во градежните активности на спортскиот комплекс „Пољана“ во Хром.
„Она што до вчера беше само потреба и желба, сега станува реалност. Тука никнува ново фудбалско игралиште со вештачка трева, две кошаркарски игралишта, нова фитнес зона и ново детско игралиште“, истакна Стојкоски во својата фејсбук објава.
Тој додаде дека Хром заслужува современ спортски простор, а „Пољана“ повторно ќе биде симбол на енергијата на младите и гордост за целата заедница.
