Полициски службеници вчера ги привеле Т.С.(18) и С.С.(46) од Скопје (син и татко) поради основано сомнение за сторено кривично дело „уцена“, предвидено и казниво по член 259 од КЗ на Република Македонија.
Како што соопшти МВР, Т.С. на 20 мај побарал од 21-годишен скопјанец пари заканувајќи се дека доколку не му даде пари, ќе објави видеа од 21-годишниот скопјанец со експлицитна содржина. Оштетениот на 23.05. му дал пари на Т.С., но тој потоа продолжил со јавувања и барал уште пари, по што оштетениот го пријавил случајот во СВР Скопје.
-Откако на оштетениот му се дадени претходно крим технички обработени пари, тој се договорил со Т.С. парите да му ги предаде пред трговски центар на бул. „К.Ј. Питу“. Т.С. дошол заедно со својот татко С.С. и откако ги земале парите, веднаш се лишени од слобода од полициски службеници од ЕНК при СВР Скопје и во службен разговор го признале кривичното дело, соопштија од МВР.
По документирање на случајот, ќе биде поднесена кривична пријава.
