Свирење химна, истакнување политички пораки и напад - Албанците казнети со 50.000 франци

Албанската фудбалска федерација доби казна од ФИФА во износ од 50.000 швајцарски франци за неспортско и дескриминаторско однесување на своите навивачи на квалификацискиот натпревар против Македонија во Скадар.

Делегатот на овој натпревар ги забележа немилите сцени кога дел од домашните фанови со факели ги нападнаа македонски навивачи кои дојдоа во Скадар да го бодрат нашиот национален тим.

Во текот на натпреварот имаше и уште неколку неспортски повици од трибините, а беше исвиркана и македонската химна. Поради сите овие причини Фудбалската федерација на Албанија ќе мора да плати голема финансиска казна.