Супа од праз и компири - идеална за брз ручек

Топла супа за да ви се згрее душата! 

Нема послатко од вкусна, домашна супа за време на студените денови. Ви предлагаме да ја подготвите оваа вегетаријанска супа од праз и компири.

Потребно ви е:

-1 лажица маслиново масло + уште мала количина за сервирањето
-2 големи чешниња лук, сецкани
-500 грама праз, тенко исечен
-500 грама компири, исечени на коцки
-500 милилитри коцка супа од зеленчук
-500 милилитри незасладено бадемово млеко
-сечкан млад кромид и леб, за сервирање.

Подготовка:

Загрејте го маслото во голема тава на средна температура и пропржете ги лукот и празот мешајќи додека зеленчукот не почне да омекнува. Додадете ги компирите и супата, па покријте и динстајте 15 минути додека празот и компирот не омекнат.

Додадете го бадемовото млеко, а потоа тргнете го од оган и изматете со рачен блендер додека смесата не се изедначи, со малку густа текстура. По потреба се загрева на тивок оган, а потоа се става во чинии и се поросува со власец и масло и по желба послужете со леб.