Студентите од Филозофскиот факултет и другите студенти од Универзитетот „Св. Кирил и Методиј“ попладнево излегоа на протест пред Министерството за образование и наука.
Тие не се согласуваат со новиот концепт за образованието, со кој се предивидува укинување на историјата како посебен предмет.
Според сенаторите на УКИМ предметот историја како посебен предмет е од исклучително општествена важност и треба да остане како самостоен предмет.
Оттаму предлагаат преиспитување на брзината на имплементација и широка дебата на институционална основа.
Според нив, за да се направи ваков чекор во обраованието, потребно е училиштата да се опремат со ИТ опрема, технички средства, интернет материјали и останато.
