Во Европа летото не заврши.
Прогнозата на Severe Weather Europe, покажува дека следната недела Европа ќе биде погодена од нов топлотен удар со температури за 8-10 степени над просечните за овој период од годината.
Како што пишува веб-страницата, средномерните модели предвидуваат нови топлотни удари што наредната недела ќе зафатат голем дел од Европа.
Во Германија и земјите на Бенелукс температурата ќе се искачи и до 30 степени. Над 30 степени температури ќе има и во Италија, Унгарија и Франција.
Но, и Хрватска и Србија ќе се соочат со температури над 30 Целзиусови степени. Ќе биде топло и во Македонија.
Ова лето имаше навистина високи температури дури и во Скандинавија.
