Вчера во српската престолнина се одржа свечен настан на кој беа промовирани најуспешните бизнис дами во регионот. Олгица Стојимировиќ сопственик на „Промоиталија“ е единствената дама од Македонија која доби награда и беше дел од годинешниот настан.
Настанот BALKAN BUSINESSWOMEN AWARDS е еден од начините да се претстават успешните жени и организациите и на тој начин јавноста да види дека преку успехот е возможен преку напорна работа, добра организација и пожртвуваност. Успешните дами се поттик за многу други да работат напорно, да се трудат и конечно да успеат да ги остварат своите соништа. Идејата на настанот е да промовира женското претприемништво и успешен бизнис и на тој начин да го поттикне севкупниот економски и социјален развој во општеството.
Ова не е прва награда за Стојимировиќ, таа е добитник на награда за најуспешните претприемачи до 40 години, награда за естетски центар на годината, како и награда дама – претприемач во 2015 година.
Во кратка изјава за Скопје Инфо Стојимировиќ вели дека ваквите награди се поттик за работа, но и уште една потврда дека жените знаат како и можат да бидат успешни менаџери.
Инаку, Anti Aging Center by Promoitalia е прв од овој вид во Македонија и единствениот носител на брендот Promoitalia на Балканот. Наградите и признанијата се само потврда за посветеноста во работата и високиот квалитет на услуга.
