Судијата од Кривичниот суд, Ненад Савевски најверојатно ќе биде нов државен јавен обвинител. Следниот чекор е финално изгласување во Собранието на Република Северна Македонија, каде што за избор се потребни најмалку 61 глас.
Савевски е еден од четворицата кандидати кои добија позитивно мислење од Советот на јавни обвинители.
Тој е поранешен јавен обвинител, а во Кривичниот суд ги суди случаите од организиран криминал и корупција.
Савески ќе го наследи Љупчо Коцевски, кој поднесе оставка во декември минатата година.
За оваа позиција се пријавија пет кандидати, а Советот на јавни обвинители даде позитивно мислење за четворица од нив: Анита Тополова-Исајловска (сегашна вршителка на должност), Ленче Ристоска, Лидија Раичевиќ и судијата Ненад Савески.
Савески доби позитивна оценка од сите десет членови на Советот.
