Со премиерата „Грдиот“ вечер почнува „Гола месечина“ во Аеродром

Со премиера на комедијата „Грдиот“ од НУ „Театар Комедија“ во режија на Ирена Стеријовска вечерва во 21:00 часотво Спортскиот центар „Ново Лисиче“ почнува традиционалниот фестивал на комедијата „Гола месечина“, кој годинава ќе се одржи по осми пат.

Во претставата играат: Атанас Атанасовски, Валентин Костадиновски, Тони Денковски и Наталија Теодосиева.

Фестивалотшто го организираат Општина Аеродром и НУ „Театар комедија“ ќе се одржи според сите утврдени протоколи за организирање манифестации од отворен карактер, велат од општина Аеродром. 

Поради ограничениот број на седишта (200), ќе може да се влегува само со билети (бесплатни) што можат да се подигнат од пријавницата на Општина Аеродром од 9:00 до 15:00 часот на денот на секоја претстава. Едно лице може да подигне два билетаза една претстава со приложување лична карта, и тоа само доколку поседуваат сертификат за вакцинација.