Од Универзитетската клиника за урологија синоќа информираа дека со голема гордост го одбележуваат официјалниот почеток на работа на новите оперативни сали - современ хируршки простор изграден и опремен според највисоките светски стандарди.
Од таму посочија дека оваа значајна инвестиција носи: најсовремени услови за изведување на хируршки интервенции, поголема безбедност и подобра грижа за пациентите, подобар квалитет на хируршките процедури и современи услови за работа на медицинскиот персонал.
„Симболично, првите операции во новите сали беа вградување на инфлатабилни пенилни протези – една од најсовремените и најкомплексните процедури за третман на еректилна дисфункција, која неодамна стана достапна и во јавното здравство“, истакнаа оттаму.
