Скопје ќе го слави Денот на ослободувањето на градот со концерт на легендарната група „Бјело дугме”. Настанот ќе се случува на 17-ти ноември на плоштадот Македонија, и планирано е заедно со основачот на групата, Горан Бреговиќ, да дојдат и поранешните пејачи на бендот – Жељко Бебек, Тифа Војиќ и Ален Исламовиќ.
Веста дека со хитовите на „Бјело дугме” ќе се празнува 13-ти Ноември веќе се прошири помеѓу јавноста и покрај тоа што од Град Скопје се уште не излегле со официјална информација.
- Сепак, долгогодишната соработничка на Бреговиќ, вокалистката Васка Јанковска, за „Фокус” ја потврди веста.Да, сигурен е концертот, истиот беше договорен кога пред извесно време Бреговиќ гостуваше во Струмица. Настанот е намерно поместен на 17-ти, поради одржување на друг концерт на 13-ти ноември. Ова е одлична можност за добра забава со безвременските хитови на „Бјело дугме” за сите генерации – вели Јанковска.
