Скопјани му се израдуваа на снегот. Забава, правење снешковци, прошетки - ваква беше викендов сликата во главниот град иако дневните температури беа под нулата. Иако не се очекуваше дека ќе има толку многу снег, никој не беше изненаден.
Детскиот џагор, насмевката, црвените лица и раце, ја надополнуваа само оваа белина.
Додека едни ги користат временските услови за прошетка, за уживање, на градските служби врнежите и ниските температури им отворија дополнителна работа.
Инстаграмџиите и овој пат беа задолжени за прекрасни, снежни фотографии.
Ако уште размислувате дали да се впуштите во снежна игра, без разлика на која возраст сте, можеби овие инста-фотографии што ги видовме, ќе ве предомислат.
