Постојат сомнежи дека матични гинеколози за сума од 500 до 800 евра им ги продаваат на црно вагиналетите на трудници, од кои минатата недела трудница за малку ја избегна смртта, а нејзиното бебе за жал почина, јавува ТВ Нова.
- „Доктори им ги продаваат за пари во ординациите и тоа за сума од 500 до 800 евра. Има индиции и за други случаи но, пациентките не признаваат“, изјави Викторија Јовановска директорка на Клиниката за гинекологија, пренесе Нова.
Гинекологот кој и ги дал вагиналетите на девојката која сакала да ја прекине бременоста во осмиот месец знаел дека бебето ќе почине, но морал да знае дека го става во опасност и нејзиниот живот. И дал поголема доза, едвај ја спасиле.
„Докторот знаел дека бебето ќе почине бидејќи циркулацијата се пореметува, а дежурната екипа не знаеле за што се работи се додека пациентката не признала. Имаше опасност случајот да заврши со смртни последици и по трудницата бидејќи можело да прсне матката, за што ќе беше обвинет дежурниот гинеколог на Клиниката“, рече Јовановска.