„Снегот не е изненадување во зима - подготвеноста е наша обврска!“ - се огласи градоначалникот на Град Скопје Орце Ѓориевски.
Иако скопјани од утрово реагираат за хаосот во сообраќајот на неколку критични локации во градот, првиот човек смирува.
- Од раните утрински часови, екипите на Град Скопје се постојано на терен и интензивно работат на расчистување на снегот од улиците и булеварите што се под надлежност на градот. Со цел навремена и ефикасна реакција, кризниот штаб е активиран 24 часа дневно, со континуирано следење и детектирање на сите клучни и критични точки. Безбедноста на граѓаните е наш приоритет, порача тој.
Тој упати апел до сите учесници во сообраќајот да возат внимателно, да ги почитуваат сообраќајните правила и да ја прилагодат брзината и начинот на возење на зимските услови.
- Со одговорност, навремена акција и заедничка грижа - Скопје се движи безбедно и во зима, дециден е Ѓорѓиевски.
