Скопје мириса на изгорено, се запали дива депонија

Пожар на дива депонија избувна вчера вечер на патот од скопската населба Шуто Оризари према Визбегово, но набрзо е изгаснат, информира за МИА командирот на скопската Бригада за противпожарна заштита Ѕвонко Томески.

Како што информира Томески, опожарени се бакарни кабли и поради тоа се шири таква непријатна миризба и чад.

На пожарот интевенирале две противпожарни возила со пет пожарникари, а моментно се работи на расчистување за да не се запали повторно. 

Скопјани и утрово се жалат на непријатни миризби во воздухот.