Од 15 октомври официјално почна грејната сезона која ќе трае до 15 април идната година.
Иако официјално започна грејната сезона, многу скопјани немаат по цел ден топли радијатори.
-Имаме парно само наутро, а во текот на денот собите се студени. Дома имам деца едно од шест месеци и друго од три години. Бидејќи морам да имам греење, јас вклучувам и дополнителни грејни тела, вели Марко од Скопје.
-Ние со сопругата сме пензионери, возрасни луѓе. Не можеме многу да се движиме, а парно нема во текот на целиот ден. Не знам, или да добиеме парно, или ќе го прекинеме договорот. Во целата населба е така, вели чичко Гоце.
Скопјани се жалат, бараат радијаторите да им бидат топли во текот на целиот ден, бидејќи редовно си ги плаќаат сметките, кои воопшто не се мали, а плус имаат и дополнителни грејни тела.
Според правилата, радијаторите треба да греат од 6 до 21 часот, но само само ако три дена последователно во 21 часот температурите паднат под 12 Целзиусови степени.