Скопјанец итно префрлен во болница - изгубил контрола над моторот и се забил во сообраќаен знак

Во неделата во 12:40 часот на регионалниот пат Скопје-ХЕЦ Козјак, атар на село Нова Брезница, мотоцикл „Кавасаки-550“ со скопски регистерски таблици управуван од 25-годишниот Ф.Ш. од Скопје изгубил контрола и удрил во сообраќаен знак.

Ф.Ш. со возило на Итна медицинска помош бил пренесен во комплексот клиники Мајка Тереза, каде од страна на лекар му биле констатирани тешки телесни повреди и бил задржан на понатамошно лекување.

 Од страна на увидна екипа од Секторот за внатрешни работи Скопје на местото на настанот бил извршен увид и се работи на целосно расчистување на случајот.