Сите делови од минатото кои останале во сенка, кога-тогаш излегуваат на површина

Минатото, непресушна тема на животните приказни, сеќавања, чувства. Нема личност која нема зад себе некакво минато. Тоа може да биде убаво, помалку убаво, болно, поучно, полно со искуства, но како и да е, го носите во себе во секој момент од сегашниот живот. 

Сите делови од минатото кои останале во сенка, кога-тогаш излегуваат на површина. Од нив можете накратко да побегнете, сè додека некој звук, мирис, слика, личност или случка не ве потсети на сето она што сте го потиснувале. Која е таа доба од својот живот која сте ја поттиснале и скриле далеку од очите на другите, но пред сè далеку од себе? Дали е тоа детството, младоста или некои подоцнежни години? За која доба и да се работи, важно е да сте мирни и во хармонија со тој период? 

Ако споменот на тој период ви предизвикува различни мисли во главата, кнедла во грлото, грч во стомакот или ви се јавуваат солзи, тага, лутина и срам, сосема е веројатно дека некој дел од вас стои во минатото, скриен некаде во агол и чека да го погледнете. Можеби е тешко да го погледнете тоа минато време затоа што е полно со тага, осаменост, болка, тешки ситуации, неразбирања, загуби и вие и натаму стоите во тој мрак. Многу велат дека нема смисла да се гледа во тие работи, затоа што и онака е минато и не може ништо да се стори. Но, сè додека има влијание на вашиот сегашен живот, вашите сегашни чувства и одлуки, очигледно е дека не е само минато и дека постои и во сегашноста. 

За среќа, има што да се направи, иако минатото не може да се врати и да се промени, но токму сега и тука можете да ја погледнете ситуацијата и тоа со сосема поинакви очи. 

Сосема е веројатно дека чекате некој да дојде и да ве спаси од минатото. Токму од тие причини многумина влегуваат во врски во кои чекаат да дојде некој посебен, некој чија љубов ќе избрише сè. И можеби и ќе дојде тој некој посебен, но и таа личност нема да може тоа да го избрише и промени. Тоа е ваша задача кон самите себе.