Со особена чест присуствував на приемот што го приредија Н. В. Кралот Фелипе VI и Кралицата Летиција во величествениот амбиент на кралската летна резиденција, дворецот Алказар де Севиља, прогласен за светско културно наследство на УНЕСКО, сподели денеска претседателката Гордана Сиљановска Давкова преку социјалните мрежи.
Таа посочи дека во срдечна атмосфера се воделе инспиративни разговори, во духот на заемна почит и разбирање.
Приемот се одржа во пресрет на 4. Меѓународна конференција за финансирање на развојот под покровителство на ОН, којашто ја нагласува потребата за одржлив развој, правичен пристап до финансиски ресурси и зајакнување на глобалната солидарност.
„Искрена благодарност до домаќините за можноста да размениме мислења за клучните предизвици на нашето време, истакна претседателката.
