Велигденските јајца не се само украс на трпезата, тие се полни со симболика, традиција и пораки што се пренесуваат од генерација на генерација.
Photo by Antoni Shkraba Studio
Секоја боја што ја избираме има свое значење и носи со себе енергија и желба што ја споделуваме со најблиските. Во тие бои, се огледуваат нашите надежи, молитви и соништа.
Црвена – најсилниот симбол на Велигден. Таа ја претставува жртвата на Исус, но и воскресението, животот, силата и љубовта. Во народната традиција, првото јајце секогаш се бојадисува црвено и се чува до следната година за среќа, заштита и здравје.
Бела – симбол на чистота, искреност и нов почеток. Белото јајце е потсетник дека секогаш можеме да почнеме одново, со мирна душа и отворено срце.
Зелена – боја на природата, растот и обновата. Зелено јајце ја носи пораката дека сме во постојан процес на учење, заздравување и развој – како пролетта што доаѓа после секоја зима.
Photo by Nicky Pe
Сина – носи мир, стабилност и доверба. Тоа е боја што нè потсетува да останеме верни на себе и на вредностите што ги негуваме, дури и кога животот станува бурен.
Жолта – симбол на светлина, надеж и радост. Жолтото јајце е како мал сончев зрак на трпезата – потсетник да не заборавиме да се смееме, да го побараме доброто и да ја шириме позитивната енергија.
Виолетова – боја на духовноста и внатрешната трансформација. Таа нè повикува на размислување, на внатрешен мир и на почитување на невидливото што не држи заедно.
