Кога не знаете што да подготвите за ручек, никогаш нема да погрешките ако се одлучите за тестенини.
Тие се лесни за подготовка, а можете да ги комбинирате со секоја можна состојка која ја имате дома. Овојпат ви предлагаме да направите сос од зеленчук од следните состојки:
100 гр шампињони
200 гр тиквичка
Еден млад кромид
Едно чешне лук
Малку луто пиперче
5 црни маслинки
5 сушени домати
Босилек, магдонос и суви зачини
По желба, мала конзерва туна
Подготовка:
Сварете 300 гр тестенини (доволни за две лица). Во голема тава загрејте масло, во кое ќе го пропржите исецканиот млад кромид и парчето луто пиперче. Ако користите туна, ставете ја во овој момент, заедно со лукот. Ако не користите, пропржете го само лукот, па додадете ги маслинките и шампињоните и сушентие зачини. Динстајте додека да испари поголемиот дел од течноста на печурките.
Потоа, додадете ја изренданата тиквичка, сувите домати и зачинете. Варете уште 5 минути.
Зачувајте малку од водата во која се вареа тестенините. Кога се сварени, додадете ги тестенините во сосот, па прелијте со зачуваната вода. Кога ќе се згусти, додадеде парче путер, а по желба можете да збогатите и со павлака за готвење. Послужете со пармезан.