Оваа година Градот Скопје ќе организира дочек на Новата година најави градоначалникот Петре Шилегов на денешната седница на Советот, пренесува Слободен печат.
На прашање на советничка, зошто лани немаше прослава, а годинава се одделиле пари во буџетот за таа намена, Шилегов одговори дека тоа било затоа што тој дошол на власт во ноември и не се знаело ниту кој ќе пее, ниту како ќе се украси градот.
– Оваа година ќе има прослава, знам и кој ќе пее и се ќе биде подготвено. Ќе го видите Скопје како никогаш досега, бидејќи скопјани го заслужуваат тоа – рече градскиот татко.
